دﯙﺷﯚب عشقین باشیما ائی سنه قوربان گؤزلیم

 ﮔﯚل جمالین‌دی فقط دردیمه درمان گؤز‌لیم

 یوخو گلمیر گؤزﯙمه ﺻﯚبحه کیمین من اویاغام

 هارداسان آختاریرام من سنی حئیران گؤزلیم

 آغ اﯙزﯙن، قارا گؤزﯙن کیپریگین اوخ قاشین کمان

 ائیلییب بیلمیری‌سن دیل‌ده نه طوفان گؤزلیم  

 تؤﻛﯚﻟﯚب چئیگین ده چوْخ قاره اوزون هؤرمه‌لی‌لر‌‌

 باغلاییب قوللارینی گؤر نئجه آسان گؤزلیم

 صف آغزیندا دیشین صف چئکیب آغ دور کیمی

 قیرمیزی قونچا دوْداق باغریم ائدیب قان گؤزلیم

 باخیشین خوْش، یئریشین خوْش، گلیشین خوْش‌دور عجب

 گؤرمییب "زنجان‌"یمیز هئچ بوجور اینسان گؤزلیم

 سن چاغیر من چاغیریم آلیم سسین آل سسیمی

 سن منه هر نه دئسَن من دئیرم جان گؤزلیم.

حسین منزوی (1383- 1324) ه.ش